COMPARTIR

Foi escrita en 1940 para o filme Broadway Melody of 1940, como a música para unha escena moi onírica na que a bailarina e o cantante visten de arlequíns, ocultando cadanseu rostro tras un antifaz. Aquí está esta secuencia orixinal  bailada por Eleanor Powell e cantada por Douglas MacPhail:

 

En 1956 Ella Fitzgerald fai a súa versión no álbum Ella Fitzgerald Sings the Cole Porter Song Book. Encántanme os adornos melódicos alternativos que fai nos dous primeiros A´s do tema:

 

Esta é a versión de Frank Sinatra no seu disco xunto a Ton Jobim. Aquí, a última parte da melodía, con aqueles cromatismos que xa hai no orixinal, pero neste contexto estilístico, mesmo chega a parecerse ás características pasaxes descendentes de Jobim (presentes en “Wave” ou en “Insensatez”, por exemplo).

 

Esta composición de Cole Porter é un claro exemplo de redondez formal: a melodía comeza nas tebras e aos poucos, maxistralmente, vaise abrindo para rematar nun ámbito luminoso e vibrante. A progresión harmónica do comezo afianza esa sensación de penumbra, mentres que a variada harmonización da ponte vai subindo unha temperatura que alcanza o seu máximo no clímax da última sección da peza. Nesta parte final Porter introduce dúas rápidas modulacións a tons moi sorpresivos, que apuntalan brillantemente o remate en alto deste “I Concentrate on You”.

Na miña versión a harmonía da ponte Porter orixinal, tambén respectado na versión do disco de Fitzgerald. Tamén adaptei alguúns dos marabillosos xiros melódicos de Ella e volvín harmonizar algúns lugares (por exemplo, a última sección, para darlle un carácter case modal ao clímax da peza).

 


COMPARTIR

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies