COMPARTIR

 

Día do libro 2020: Esta é a listaxe de libros que está lendo actualmente Abe Rábade:

 

1. Diccionario Akal de Estética (Étienne Souriau)

Un compendio dunhas 1.800 entradas que na perspectiva dun traballo pluridisciplinar confiren forma e valor ao campo do saber sobre a estética.

 

2. The White Goddess (Robert Graves)

Este libro é o resultado da investigación de Robert Graves nos estraños territorios do folclore, a mitoloxía, a relixión e a maxia. É a busca dun poeta erudito polo significado dos mitos europeos, unha polémica sobre as relacións entre o home e a muller, e tamén un documento intensamente persoal no que Graves explora as fontes da súa propia inspiración.

 

3. Pálido Fuego (Vladimir Nabokov)

Unha novela desconcertante e diabolicamente divertida, que figura entre as preferidas do seu propio autor e na que están presentes a súa ironía e o seu mortífero humor. Preséntase como a edición póstuma dun longo poema escrito por John Shade, gloria das letras norteamericanas, pouco antes de ser asasinado. É tamén unha novela de intriga, na que ao lector se lle invita a tomar o papel de detective.

 

4. The Wizard of Oz (L. Frank Baum)

O mago de Oz é unha novela infantil estadounidense publicada orixinalmente no 1900. A cotío se reproduce co título O marabilloso mago de Oz, que tamén foi o título da famosa adaptación cinematográfica de 1939. A historia narra as aventuras dunha xove campesina chamada Dorothy na máxica Terra de Oz, despois de que ela e o seu can Toto son arrastrados fóra do seu fogar en Kansas por un tornado.

 

5. La Luna Nueva (Rabindranath Tagore)

É unha das obras máis recoñecidas de Rabindranath Tagore, e nela atopamos a curiosidade dun neno ante un mundo novo e marabilloso que comeza a desplegarse ante el.

 

6. Jefes, Cabecillas, Abusones (Marvin Harris)

Marvin Harris explora neste libro o paralelismo social entre culturas antigas e incluso, de sociedades tribais cunha análise exhaustiva das súas actitudes, e de como os xefes de tribos evolucionaron ata converterse nos xefes políticos actuais.

 

 

7. Topology of Violence (Byung-Chul Han)

Nesta obra, o filósofo Byung-Chul Han considera o cambio na violencia do visible ao invisible, do frontal ao viral, ao autoinfrinxido, da forza bruta á forza mediada, do real ao virtual.

 

8. What is Sex ? (Alenka Zupančič)

Alenka Zupančič aborda a cuestión considerando que a sexualidade é un problema propiamente filosófico para a psicoanálise; e por psicoanálise, refírese a Freud e Lacan, non ao tipo de profesionais clínicos chamados por Lacan “ortopedistas do inconsciente”.

 

9. La Verdad en Pintura (Jacques Derrida)

Non só é un libro arredor da pintura -nos seus límites, as súas marxes, no que a rodea, como se complace en afirmar o propio autor- senón tamén, e sobre todo, un libro arredor da verdad. E á filosofía occidental, admáis, desde o momento no que esta converteu a pintura tanto en modelo como en representación da propia verdade.

 

10. Metamorfosis (Ovidio)

Este extenso poema épico ofrece unha espléndida mostra mitográfica arroupada por un coherente marco filosófico. 250 historias, mitos e lendas que abarcan desde o nacemento da humanidade á creación do mundo, na era dos cataclismos, ata a morte e apoteose de César.

 

11. Zhuang Zi (Maestro Chuang Tsé)

Xunto ao Tao te king e o Lie zi, o outro texto fundamental do taoísmo é o Zhuang zi. Pero, ademais, este clásico chino é unha das obras mestras da literatura universal.

 


COMPARTIR

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies