AB

Abe Rábade e Raynald Colom son os dous jazzistas escollidos para representar ao estado español no Eurodjango Award 2007 (premios na honra do lexendario Django Reinhardt) na categoría de Novos Talentos Europeos. O xurado para as candidaturas españolas estivo composto polos prestixiosos críticos Claudio Cifuentes, Pablo Sanz, Chema García, Alejandro Cifuentes, Jorge García, Federico G. Herráez, Manolo Ferrán, Ángel G. Aparicio, Pere Pons e Ferrán Esteve. O fallo do Eurodjango Award será o día 1 de Decembro na cidade de Luxemburgo.

Filed by Abe at 4:51 pm under Novas
29 Comments

A organización do Festival de Jazz de Eivissa encargoume por segundo ano a selección dun grupo de jazzistas do estado español para unha actuación exclusiva no Eivissa Jazz 2007 o 7 de Setembro. O grupo estará formado por : Perico Sambeat (saxo alto), Víctor de Diego (saxo tenor), Abe Rábade (Piano), Alexis Cuadrado (Contrabaixo) e Marc Miralta (batería).

Filed by Abe at 7:57 pm under Concertos
1 Comment

Somos a grande ilha do silêncio de deus
Chovam as estações soprem os ventos
jamais hão-de passar das margens
Caia mesmo uma bota cardada
no grande reduto de deus e não conseguirá
desvanecer a primitiva pegada
É esta a grande humildade a pequena
e pobre grandeza do homem

Rui Belo

Filed by Abe at 5:57 am under De re varia
2 Comments

O disco de Jesús Santandreu OUT OF THE CAGE acaba de ser editado
pola discográfica Fresh Sound New Talent. É un disco de composicións
orixinais de Txiket. Ademais do líder e compositor no saxo tenor, a
formación complétase con Abe Rábade (piano), Paco Charlín (contrabaixo) e
Vicente Espí (batería).

Filed by Abe at 11:46 pm under Novas
28 Comments

A gravación do GHU! Project vol.2 farase durante os días 27, 28 e 29 de Agosto nos Estudios MB de Porto. Previamente, durante o Canjazz 2007 na vila pontevedresa de Cangas do Morrazo terá lugar a actuación da banda. Será o 23 de Agosto no Auditorio Municipal de Cangas.
O novo disco levará por título OPEN DOORS. O repertorio confórmano sete orixinais (Campo da Estrela, Iria, Open Door, Cebreiro, Tránsito nº1, Get off my back e Prestige) e un arranxo do tema de Joe Henderson Inner Urge.
A banda está formada por:

Abe Rábade (piano, Galiza)

Chris Kase (trompeta e flügelhorn, USA)

Perico Sambeat (saxo alto, Valencia)

Jesús Santandreu (saxo tenor, Valencia)

Alan Ferber (trombón, USA)

Nelson Cascais (contrabaixo, Portugal)

Bruno Pedroso (batería, Portugal)

A edición do traballo está prevista para o mes de Febreiro en Nuba + Karonte Records.

A portada será do pintor galego Deli Sánchez. Aquí a tedes…

Filed by Abe at 7:39 pm under Novas
32 Comments

O disco de Nordestin@s está á venda dende hoxe en todas as plataformas dixitais, como é o caso de iTunes. O lanzamento inclúe, ademais, un tema extra en exclusiva, Se ti queres, que non poderás escoitar na versión física do álbum.

A Revista de world music Global Rhythm, ubicada en New York, seleccionou o tema Ari Ari para incluir no CD conmemorativo do seu 15 aniversario, número que sae á venda en agosto. A revista inaugura así a súa distribución internacional, co que a música de Nordestin@s se poderá escoitar ata en 25 países diferentes dos cinco continentes.

O selo portugués Difference Music incluirá o tema Romaxe a Santo Andrés nun disco libro chamado Mediterráneo. A publicación recolle información histórica e cultural dos pobos bañados por ese mar, dende a Península Ibérica ata Croacia pasando por Marrocos, e das diversas comunidades musicais que neles habitan. Na recompilación, xunto a Nordestin@s, tamén estarán Uxía, María del Mar Bonet ou Ojos de Brujo.

Filed by Abe at 7:17 pm under Novas
24 Comments

Acabo de chegar de Gran Canaria. O único negativo foron as viaxes. Nada menos que 7 horas e media de espera para coller o avión de volta a Compostela. En fin, males menores porque o realmente importante foi a minixira Canaria coa extraorinaria cantante Claudia Acuña acompañada polo cuarteto de Raynald Colom.

Foron dous concertos en Tenerife e Las Palmas nos que tocamos temas do último álbum de Claudia chamado Luna e novas composicións que estarán no seu seguinte traballo. Foi unha experiencia realmente gratificante.

Filed by Abe at 8:47 pm under Concertos
25 Comments

Fin de semana do Xerais en Vigo e na Illa de San Simón. Mes intenso como xurado do premio de novela 2007 (13 orixinais son moitos para ler a fondo). Decisión apretada, pero finalmente impúxose Contra o Cardume, primeira obra da viguesa Rexina Rodríguez Vega. Era a miña segunda favorita para levar o premio e alégrome de que o gañase. Pero sempre queda unha espiña cravada cando por un só voto non gaña a novela que cres mellor. E cando ese voto de desempate é de orde moral porque a novela trataba do independentismo e a loita armada en Galiza a espiña crávase máis fonda (primeiro castigo concreto).

De agradecer foi o ex libris personalizado de agasallo co que nos obsequiou a editorial aos membros do xurado. O amigo Fran Alonso foi un perfecto anfitrión. A habitación interior na novena planta do Hotel Zenit resultou un pouco abafante. A compaña de Anxo Angueira e Lara Rozados na Illa de San Simón e despois en Matamá no show do Leo foi o mellor da noite. Queda pendente o proxecto dun Vieiros Rosa (todo se andará…) O segundo pequeno castigo concreto foi o discurso Anarquista de Chanel nº5 lido con voz dourada por quen ten problemas para asociar rostros con nomes e o que é peor; discursos con comportamentos.

Un premio extra ofrecéunolo o xenial músico de Moaña Xavier Blanco, quen interpretou pezas primeiro no auditorio de San Simón e logo nunha auténtica foliada ao aire libre onde o acompañamos varios espontáneos con cunchas e pandeiretas. O viño xa falaba por nós (un Rosal estupendo).

De volta a Vigo, parada no De Catro a Catro con truquiños de maxia e un pouco de quiromancia e todo… Sempre me gustaron por certo as persoas con Xúpiter e Venus ben rufos. E Matamá…. O show do Leo foi outro premio. Ser cuncheiro para a nosa mini revolución de furancho encantoume. Alí non pegaría o Chanel nº5 nin outro tipo de cravos máis que os do Afonso.

E finamente Manteca Jazz!! Onde houbo jam ata altas horas con GdJazz, Felipe Villar, Iago Vázquez, Chus Pazos, Juansi Santomé. Curiosamente, os neofuncionarios do jazz en Galiza (que facían acto de presencia na esquina da barra) non tocan nunca…. Claro que se o fixeran quedarían máis en evidencia do que xa o están. Irremediablemente iso suporía o terceiro castigo concreto. Mellor así.

Filed by Abe at 10:55 pm under De re varia
1970 Comments

O vindeiro Domingo 3 de Xuño terá lugar o Concerto de Fin de Curso do VI Seminario Permanente de Jazz de Pontevedra no Teatro Principal da cidade. Un total de 8 combos interpretará un variado programa que pon fin a este ano académico 2006-2007 no que o SPJ gozou do seu record de alumnado (42 inscritos no curso regular). O verán ven cargado de actividades, como os 2 Workshops: en Xullo o Pontejazz e en Agosto o Canjazz. máis info en

Filed by Abe at 2:47 pm under Concertos, Novas
3345 Comments

O Mércores 16 de Maio ás 21h no Auditorio de Galicia de Santiago de Compostela terá lugar a actuación de TEN JAZZ MEN

Xavier “GDJazz” Pereiro trompeta & fliscorno

David Santiago trompeta & fliscorno

Rui Teixeira saxo alto

Martín Brea saxo tenor

Toño Otero saxo barítono

Toño Rodríguez trombón & bombardino

Felipe Villar guitarra

Iago Vázquez piano

Juansi Santomé contrabaixo

Iago Fernández batería

Dirección Musical Abe Rábade

Ten Jazz Men pecharán o Ciclo Composjazz ’07 presentando o seu traballo discográfico May’s Idea.

Filed by Abe at 9:31 pm under Concertos
33 Comments